တက္ကသိုလ်မြတ်သူ
===========================
ကျွန်တော်တို့ငယ်စဉ်ကျောင်းသားဘဝက မြန်မာတို့၏စိတ်အစဉ်ကိုလွှမ်းမိုးနေခဲ့သည်မှာ 'လွတ်လပ်ရေး'ဖြစ်သည်။ နယ်ချဲ့အင်္ဂလိပ်လက် အောက်ရာစုနှစ်တစ်ခုမက ဖိနှိပ်ခံ၊ ချိုးနှိပ်ခံ၊ ညှဉ်း ပန်း၊ ခြယ်လှယ်သွေးစုပ်ခံနေရသောမြန်မာများ အတွက် အမျိုးသားရေးထွက်ပေါက်မှာ လွတ်လပ် ရေး(ဝါ)မူလဘူတမြန်မာတို့ပိုင်ခဲ့သော အချုပ် အခြာအာဏာရပ်ကြီးမြန်မာတို့လက်ပြန်လည်ရရှိရေး သည် မြန်မာ့ဆန္ဒ၊ မြန်မာ့အလို၊ မြန်မာ့စိတ်ရင်း ဖြစ်ခဲ့ပေသည်။ ထို့အတွက် မြန်မာတို့သည် သွေး စည်းညီညွတ်ကြကာ၊ မြန်မာ့ဇာတိသွေး ဇာတိ မာန်တဖွားဖွားဖြင့်မိမိတို့၏အသက်ခန္ဓာ၊ သွေးချွေး တို့ကိုရင်းနှီးလျက် လွတ်လပ်ရေးပြန် တိုက်ယူခဲ့ ကြသည်။ ထိုစဉ်က ရိုးသားဖြောင့်မတ်စွာ၊ နိုင်ငံ ချစ်စိတ်ထက်သန်စွာ၊ နယ်ချဲ့ဆန့်ကျင်စိတ်အခိုင် အမာဖြင့် မြန်မာ့လွတ်လပ်ရေးကြိုးပမ်းမှုကို ဦး ဆောင်ခဲ့သောကိုအောင်ဆန်း၊ သခင်အောင်ဆန်း၊ ဗိုလ်ချုပ်အောင်ဆန်းတစ်ယောက် မြန်မာတို့ ရှေ့က မားမားမတ်မတ်ရပ်ပြီး(နောက်ဆုံးအသက်စတေး ခံပြီး) မြန်မာ့လွတ်လပ်ရေးအရယူပေးခဲ့သော မြန်မာ့ကျေးဇူးရှင်ကြီးရှိနေခဲ့ပေသည်။
အင်္ဂလိပ်တို့သည် ပရိယာယ်မာယာလိမ်လည် ကောက်ကျစ်မှုများဖြင့် မြန်မာတို့ကို ကျွန်သက် ရှည်စေရန်အစွမ်းကုန်လုပ်ဆောင်ခဲ့သည်။ လွတ် လပ်ရေးအတုအယောင်(ဒိုမီနီယံ) လောက်သာပေး ရန်လည်းအားထုတ်ခဲ့သည်။ ဗိုလ်ချုပ်အောင်ဆန်း ကား မြန်မာ့လွတ်လပ်ရေးသည် ဒိုမီနီယံကဲ့သို့ ဖားတစ်ပိုင်း ငါးတစ်ပိုင်းလွတ်လပ်ရေးအတုမျိုး မဖြစ်စေရ၊ အင်အားကြီး နှစ်နိုင်ငံအကြား ကြားခံနယ်မြေအဖြစ် (Buffer State) ထားရှိသော ဓားစာခံလွတ်လပ်ရေးအတုမျိုးမဖြစ်စေရ၊Vasssa ဗာဆာခေါ် အမြင်အားဖြင့် လွတ်လပ်သော နိုင်ငံ အဖြစ် ရုပ်ပြထားကာနောက်ကွယ်မှ ပြည်ပနိုင်ငံ ကြီးတစ်ခုကကြိုးကိုင် ခြယ်လှယ်စေခိုင်းသမျှလုပ် ပေးရသောဟန်ပြ လွတ်လပ်ရေးလည်းမဖြစ်စေရ၊ တိုင်းတစ်ပါးကို သူတစ်ပါးကို လုံးဝအမှီအခိုကင်း သော၊ အချုပ်အခြာအာဏာကို အပြည့်အဝပိုင်ဆိုင် သောလုံးဝလွတ်လပ်ရေး Independent မျိုးကိုသာ အရယူမည်ဟု ယတိပြတ်ြေ<ွကးကြော်ခဲ့သည်။ ပြောသည့်အတိုင်း လုံးဝလွတ်လပ်ရေး ရအောင် ဆောင်ကြဉ်းပေးခဲ့သည်။သူ့ကိုမြန်မာတိုင်းရင်းသား ပြည်သူများက လွတ်လပ်ရေးဗိသုကာကြီး၊ အမျိုးသားခေါင်းဆောင်ကြီး၊ ရှာမှရှားသော ခေါင်းဆောင်ကောင်းကြီး ဟု ရှုမြင်ခံယူကြသည်။ ဗိုလ်ချုပ်အောင်ဆန်းကဲ့သို့ မိမိအသက်ကိုစတေး၊ ကိုယ်ကျိုးဆုလာဘ်နတ္ထိ၊ မျိုးချစ်စိတ်နှင့် ရဲစွမ်း သတ္တိဖြင့် နိုင်ငံကိုဦးဆောင်သောအမျိုးသားခေါင်း ဆောင်နေရာမျိုးကို တော်ရုံတန်ရုံဖြင့်မရနိုင်၊ သူ့တပည့်၊ သူ့လုပ်ဖော်ကိုင်ဖက်ဖြစ်ရုံနှင့်လည်း သူ့နေရာမျိုးမရှိနိုင်၊ အမျိုးတော်ရုံဖြင့်လည်းမရနိုင်။ မြန်မာပြည်ထောင်စု၊ မြန်မာ့အချုပ်အခြာ၊ မြန်မာ့ ကောင်းကျိုးကို စွမ်းစွမ်းတမံဆောင်ရွက်သော မျိုးချစ်ပြည်ချစ်ခေါင်းဆောင်များကား မြန်မာ တို့အားကိုးလောက်အောင်ရှိနေပါသည်။
ဗိုလ်ချုပ်အောင်ဆန်း၏လုံးဝလွတ်လပ်ရေး၊ လွတ်လပ်ရေးစစ်စစ်ကို ဆက်လက်ဖြည့်ဆည်း ပေးနိုင်သော မြန်မာ့မျိုးချစ်များက နယ်ချဲ့ အင်္ဂလိပ်တို့၏ကိုလိုနီနွယ်သော နှောင်ကြိုးများ ဖြတ်နိုင်ရန်ဗြိတိသျှဓနသဟာယအဖွဲ့တွင် မပါ ဝင်ခဲ့၊ အင်္ဂလိပ်သုံးငွေကြေးပေါင်စတာလင်နယ် မှပြတ်ပြတ်သားသားထွက်ခဲ့သည်။ မြန်မာသည် မြန်မာအတွက်သာဖြစ်စေခဲ့သည့် အမျိုးသားရေး အင်အားစုများရှိနေသေး၍မြန်မာနိုင်ငံသည် ယနေ့ တိုင်လုံးဝလွတ်လပ်သောပြည်ထောင်စုနိုင်ငံအဖြစ် တည်တံ့ခိုင်မြဲနေခြင်းဖြစ်သည်။ ပြည်တွင်း၊ပြည်ပ ပူးပေါင်းလုပ်ကြံမှုဖြင့် လွတ်လပ်ရေးပြန်လည် ဆုံးရှုံးကာ သူတစ်ပါးကျွန်ဘဝသို့ ပြန်ရောက်လု လု အကြိမ်ကြိမ်ကြုံတိုင်း မျိုးချစ်မြန်မာ့အမျိုးသား ရေးအင်အားစုကြီးနှင့် ကိုယ့်ပြည်ထောင်စု၊ ကိုယ့် လွတ်လပ်ရေးကိုတန်ဖိုးထား ကာကွယ်စောင့် ရှောက်သည့်တိုင်းရင်းသားပြည်သူများရှိနေသ ဖြင့်သာတော်တော့သည်။ သူ့ကျွန်ပြန်မဖြစ်ခင်၊ ယနေ့အရှေ့အလယ်ပိုင်းနှင့် အာဖရိကမှ သွေး ချောင်းမကသောသွေးမြစ်မျိုးစီးနေလောက်ပေ သည်။
မြန်မာတို့အတွက် လွတ်လပ်ရေးသည် စစ်မှန် သောမြန်မာ့လွတ်လပ်ရေးသာဖြစ်လိုကြသည်။ ဤလုံးဝအမှီအခိုကင်းသော မြန်မာ့လွတ်လပ်ရေး ဆန္ဒကို ဗိုလ်ချုပ်အောင်ဆန်းနှင့်အတူ မြန်မာတိုင်း တွင် တူညီစွာရှိနေပေသည်။ ဤသို့လွတ်လပ်ရေး အစစ် လုံးဝလွတ်လပ်ရေးဟု ပြောနေကြရခြင်းမှာ လည်း လွတ်လပ်ရေးအတုက ရှိနေခဲ့ဖူးသော ကြောင့်ဖြစ်သည်။ နယ်ချဲ့အင်္ဂလိပ်တို့သည် နှစ် ပေါင်း ၁ဝဝ သွေးစုပ်ခြယ်လှယ်အုပ်စိုးပြီးသော် လည်း မြန်မာနိုင်ငံကို လုံးဝလက်လွှတ်မည့်ပုံ မပေါ်။ လွတ်လပ်ရေးတိုက်ပွဲဝင် မြန်မာတို့သာ လွတ်လပ်ရေးတိုက်ပွဲတွင် အဖမ်းခံရ၊ ပြည်နှင်ခံရ၊ ကြိုးပေးခံရဖြင့် ဒုက္ခရောက်ခဲ့ရသည်။ နိုင်ငံတွင် ရှိနေသောြ<ွကယ်ဝလှသည့် သယံဇာတဓနဥစ္စာ များလည်း လုံးပါး ပါးနေပေပြီ။ ဤတွင် သခင် အောင်ဆန်းတို့ မျိုးချစ်လူငယ်များ နယ်ချဲ့အင်္ဂလိပ် တို့ကို လက်နက်ကိုင်တိုက်ခိုက်မောင်းထုတ်နိုင်ရန် ပြည်ပသို့ လူငယ်လက်ရွေးစင် ၃ဝ သွားရောက် စစ်ပညာသင်ကြသည်။
စစ်ပညာတတ်လာသော မြန်မာရဲဘော် သုံး ကျိပ်က ဦးဆောင်ပြီး မြန်မာ့လွတ်လပ်ရေးတပ်မ တော်(BIA)ကိုဖွဲ့စည်းထူထောင်ကြသည်။ မြန်မာ နိုင်ငံတွင်း ပြန်ဝင်လာကာ နယ်ချဲ့အင်္ဂလိပ်တို့အား မောင်းထုတ်နိုင်ခဲ့သည်။ ထိုကာလသည် ကိုလိုနီ ကျွန်နိုင်ငံဝေစုတနင့်တပိုးရထားသည့် အင်္ဂလိပ်၊ ပြင်သစ်၊ ဒတ်ခ်ျစသည့်ဥရောပစက်မှုအရင်းရှင် နယ်ချဲ့နိုင်ငံတစ်ကျိပ်ခန့်၏လက်မှ ကိုလိုနီကျွန် နိုင်ငံများလုယူရန် ဂျာမနီ၊ အီတလီ၊ ဂျပန်ဖက်ဆစ် တို့သုံးပွင့်ဆိုင်အုပ်စုဖွဲ့ကာ ဒုတိယကမ္ဘာစစ် ပွဲကြီးခေါ် နယ်ချဲ့ချင်း ခွက်စောင်းခုတ်ပွဲ စတင် ချိန်ဖြစ်နေပေသည်။ ဖက်ဆစ်ဂျပန်တို့က မြန်မာ့ လွတ်လပ်ရေးတပ်မတော်အား ကူညီတိုက်ခိုက် ပေးသယောင်ဖြင့် အင်္ဂလိပ်ကိုလိုနီဖြစ်နေခဲ့သည့် မြန်မာနိုင်ငံကို အပိုင်စီးလာပေသည်။
ဖက်ဆစ်ဂျပန်တို့သည် အင်အားတောင့်တင်း ပြီး စစ်ရည်စစ်သွေးပြည့်ဝလာကာ နိုင်ငံအတွက် စွန့်လွှတ်စွန့်စားတိုက်ရဲသော မြန်မာ့တပ်မတော် (BIA) ကို စိုးရွံ့လာသည်။ မုန်းတီးလာသည်။ ဘီအိုင်အေကို ဖျက်ရန်ကြံစည်ကြသည်။ ဖျက်၍ မရနိုင်မှန်းသိသောအခါ အားနည်းချည့်နဲ့သွား အောင်လုပ်ဖို့ စိတ်ကူးလာပေသည်။ ဤသို့ဖြင့် ၁၉၄၃ ခုနှစ် သြဂုတ်လ ၁ ရက်နေ့တွင် မြန်မာ နိုင်ငံကို လွတ်လပ်ရေးပေးသည်။ ဒေါက်တာ ဗမော်က နိုင်ငံတော်အစိုးရအကြီးအကဲ အဓိပတိ အဖြစ် လွတ်လပ်သောမြန်မာနိုင်ငံကို ဦးဆောင်စေ ခဲ့သည်။ ထိုသို့ လွတ်လပ်ရေးပေးလိုက်သော် လည်း မြန်မာနိုင်ငံကို ဖက်ဆစ်ဂျပန်တို့ကသာ ရက်စက်ကြမ်းကြုတ်စွာ ဖိနှိပ်အုပ်စိုးခဲ့သည်။ မြန်မာတွေ လွတ်လပ်ရေးရပြီဖြစ်၍ မြန်မာ့လွတ် လပ်ရေးတပ်မတော်(ဘီအိုင်အေ)သည် မလိုအပ် တော့၊ လွတ်လပ်ရေးအတွက် တိုက်ယူစရာမလို၊ ရရှိထားသောလွတ်လပ်ရေးနှင့် မြန်မာနိုင်ငံကို ကာကွယ်မည့် မြန်မာ့ကာကွယ်ရေးတပ်မတော် (BDA) လောက်သာလိုအပ်သည်။ မိမိတို့ဂျပန် တပ်များလည်း ရှိနေပြီဖြစ်၍ မြန်မာ့ကာကွယ်ရေး တပ်မတော်အင်အား ၃ဝဝဝ ဆိုလျှင် လုံလောက် ပြီဟု သတ်မှတ်ခဲ့ကြသည်။ ဘီအိုင်အေတပ်သား ထောင်သောင်းချီ၍ တပ်မှထွက်ကြရသည်။ ယင်း တပ်ထွက်ရဲဘော်များသည် ၁၉၄၅ ခုနှစ် ဖက်ဆစ် တော်လှန်ရေးတပ်သားများပြန်ဖြစ်လာခဲ့ပေသည်။
ဂျပန်တို့က ခပ်တည်တည် မင်သေသေဖြင့် ၁၉၄၃ ခုနှစ် သြဂုတ်လ ၁ ရက်နေ့ကပေးသော မြန်မာ့လွတ်လပ်ရေး(အတုအယောင်)ကို မြန်မာတို့ က လွတ်လပ်ရေးဆန္ဒရာစုနှစ်တစ်ခုမကအတွက် အာသာပြေပဏာမ အစမ်းလွတ်လပ်ရေးအဖြစ် ပျော်ပျော်ပါးပါး တေးဆိုဆင်နွှဲခဲ့ကြသည်။ ဂီတစာဆိုရွှေတိုင်ညွန့်ရေးပေးသော ထိုစဉ်က လွတ်လပ်ရေးသီချင်းကို မြန်မာတို့သည် စိတ်ဆန္ဒ တစ်မျိုးဖြင့် လွတ်လပ်ရေးအစစ်ကို မျှော်မှန်းကာ သီဆိုခဲ့ကြသည်။ သီချင်းနာမည်ကို ဆရာရွှေတိုင် ညွန့်က 'အောင်သပြေ'ဟုပေးထားသည်။
အောင်သပြေ
''သပြေထွန်းတဲ့ တောင်ကျွန်းဒီပါမင်္ဂလာ အခါရောက်ပြီ xxx အောင်အတိတ်နဲ့ အောင် နိမိတ်တွေဟာ ထင်ပေါ်လာပါပြီ xxx လွတ်လပ် ရေးကိုရပြီ ငါတို့စံဌာနီ မြန်မာ့အောင်ပွဲကိုနွှဲမည် xxx အလွန်ပဲသာယာစည် အောင်ပန်းဆွတ်ကာ အောင်ဇေယျတုနဲ့ xxx သုတိမင်္ဂလာတည် xxx (အောင်သပြေပွဲအောင် မြေထဲမှလွတ်လပ်ကြပါ ပြီ)၂ (လွတ်လပ်ပြီ)၂ ဒို့ပြည်လွတ်လပ်ပြီ xxx အောင်သပြေကို ဆွတ်ခါတည် ငါတို့ကိုင်ဆောင် မည် xxx (လွတ်လပ်ပြီ)၂ ဒို့ပြည်လွတ်လပ်ပြီ xxx မြန်မာပီပီ ဒို့ဌာနီငါတို့ကာကွယ်မည် xxx ခေတ်သစ်ထူထောင်မည် xxx သွေးနဲ့တည်ကမ္ဘာ့ အထက်တန်းလက်စွမ်းပြနိုင်မည်''
ထိုဒုတိယကမ္ဘာစစ်အတွင်း ဖက်ဆစ်ဂျပန် တို့ကလိန်Óဏ်ဖြင့်ပေးသောလွတ်လပ်ရေးအတု အယောင်ကာလ ဒေါက်တာဗမော်အဓိပတိအစိုးရ အဖွဲ့နှင့်လွတ်လပ်ရေးပွဲသဘင်၊ အဓိပတိနန်းတက် သဘင်အခမ်းအနားအခင်းအကျင်းကို မြင်ယောင် ကြစေရန်တင်ပြလိုက်ပါရစေ။
ဒုတိယကမ္ဘာစစ်အစပိုင်းမှာပင် စင်ကာပူမှ အင်္ဂလိပ်ခံတပ်ကျကာ ဂျပန်တို့သိမ်းယူပြီးနောက် မြန်မာနိုင်ငံမှအင်္ဂလိပ်တို့ အိန္ဒိယသို့ဆုတ်ခွာထွက် ပြေးကြသည်။ ဘီအိုင်အေကရှေ့ဆောင်ကာ အင်္ဂ လိပ်တို့အားတိုက်ခိုက်မောင်းထုတ်ခဲ့သည်။ ဂျပန် တို့က မြန်မာနိုင်ငံကိုမြန်မာတပ်နှင့်အတူသိမ်း သည်ဆိုကာ ဝင်လာကြသည်။ ဂျပန်စစ်သေနာ ပတိဂျင်နရယ်အီဒါးက ယာယီအဖြစ်မြန်မာနိုင်ငံ ကိုအုပ်ချုပ်ရန် ဒေါက်တာဗမော်နှင့်အဖွဲ့အားခန့် ထားသည်။ နောက်ကွယ်မှာမူဂျပန်စစ်တပ်(အထူး သဖြင့်)ဂျပန်ကင်ပေတိုင်စစ်ပုလိပ်ကခြယ်လှယ်၏။ ထိုနေ့ကား၁၉၄၂ခုနှစ်သြဂုတ်၁ရက်နေ့ဖြစ်သည်။
ဂျပန်စစ်သေနာပတိကမြန်မာခေါင်းဆောင် များအား မေမြို့(ပြင်ဦးလွင်)သို့ဖိတ်ကာဒေါက်တာ ဗမော်အား အုပ်ချုပ်ရေးအဖွဲ့ခေါင်းဆောင် ခန့်အပ် သည်။ထို့နောက်အုပ်ချုပ်ရေးမူသစ်ရေးဆွဲရန်မြန်မာ ခေါင်းဆောင်များနှင့်ဆွေးနွေးကြရာ ဒေါက်တာ ဗမော်၊ သခင်ကိုယ်တော်မှိုင်း၊ သခင်မြ၊ သခင်နု၊ ဦးဘဘေ၊ သခင်အောင်ဆန်း၊ သခင်ထွန်းအုပ်၊ ဗန္ဓုလဦးစိန်၊ သခင်ဗစိန်၊ ဦးထွန်းအောင်၊ ဦးဘ ဝင်း၊ ဦးဘသိန်း၊ ဦးလှဖေ၊ သခင်သန်းထွန်း တို့ပါဝင်တက်ရောက်သည်။ ယင်းဆွေးနွေးပွဲမှ ဒေါက်တာဗမော်အား နိုင်ငံတော်အကြီးအကဲအဓိ ပတိအဖြစ်ခန့်ရန်ဆုံးဖြတ်သည်။
အဓိပတိဒေါက်တာဗမော်၏ အစိုးရအဖွဲ့တွင် ဒေါက်တာသိန်းမောင်၊ ဦးဘဘေ၊ သခင်မြ၊ သခင်ထွန်းအုပ်၊ သခင်နု၊ ဦးထွန်းအောင်၊ ဗန္ဓုလ ဦးစိန်၊ ဦးဘဝင်း၊ သခင်ဗစိန်၊ သခင်သန်းထွန်း နှင့် ဦးဘသိန်းတို့အား ဝန်ကြီးများအဖြစ်ပါဝင် ကြသည်။ ထို့နောက်နိုင်ငံတော်အထွတ်အထိပ် ပုဂ္ဂိုလ်အဓိပတိအဖြစ် ဒေါက်တာဗမော်အား ဘိသိက်သွန်းလောင်းကြသည်။ ဆရာကြီးသခင် ကိုယ်တော်မှိုင်းရေးသားပြီး ရှေ့မှတိုင်ပေးကာ ကိုယ်တိုင်ဖတ်ကြားသောနိုင်ငံတော်အဓိပတိအရှင် မင်းကြီးသစ္စာမူရန် ဥယျောဇဉ်မှာဤသို့ဖြစ်၏။
အရှင်မင်းကြီး။ ။ ဣတိပိတော၊ သုပ္ပဋိပ္ပန္နော အစရှိသောဂုဏ်တော်များကိုနှလုံးသွင်းလျက် ဗုဒ္ဓ မြတ်စွာသာသနာကို နေရောင်လရောင်ကဲ့သို့ ထွန်း ပြောင်တောက်ပအောင်ရှေးရှေးသော သာသနာပြု မင်းကောင်းမင်းမြတ်တို့ကဲ့သို့ပြုစုတော်မူပါလော့။
အရှင်မင်းကြီး။ ။ မြန်မာနိုင်ငံတော်သူ နိုင်ငံ တော်သားများကို ရင်ဝယ်သားကဲ့သို့ ညှာတာ သနားတရားသဖြင့်အုပ်ချုပ်တော်မူပါလော့။
အရှင်မင်းကြီး။ ။ မြန်မာနိုင်ငံတော်သူ နိုင်ငံ သားတို့၏အကျိုးစီးပွားကို အရှင်မင်းကြီး၏ အကျိုးစီးပွား၊ နိုင်ငံတော်သူနိုင်ငံတော်သားတို့၏ အသက်ကိုအရှင်မင်းကြီး၏ အသက်ကဲ့သို့စောင့် ရှောက်တော်မူပါလော့။
အရှင်မင်းကြီး။ ။ နိဂ္ဂဟပဂ္ဂဟတရားကို လက်သုံးထား၍နှိမ့်ချထိုက်သူကိုနှိမ့်ချလျက်၊ ချီး မြှင့်ထိုက်သူကိုချီးမြှင့်တော်မူပါလော့။
အရှင်မင်းကြီး။ ။ ကမ္ဘာအစ မဟာသမ္မတ မင်းကောင်းမင်းမြတ်တို့ကျင့်တော်မူသော ရာဇ ဓမ္မတရား ၁ဝ ပါး၊ ရာဇပြကတေ့တရားခုနစ် ပါး၊ အပရိဟာနိယတရားခုနစ်ပါး၊ သင်္ဂဟတရား လေးပါးတို့ကို မြဲမြံစွာကျင့်တော်မူပါလော့။
အရှင်မင်းကြီး။ ။ မြန်မာနိုင်ငံတော်လွတ်လပ် ရေးကြေညာချက်တွင်ပါရှိသော အခြေခံဝါဒနှင့် နိုင်ငံတော်အုပ်ချုပ်ရေးစည်းမျဉ်းဥပဒေများအရ မြန်မာ့ခေတ်သစ်ကိုထူထောင်ဆောင်ရွက်အုပ်ချုပ် တော်မူပါလော့။
ထို့နောက် အဓိပတိဒေါက်တာဗမော်ကလည်း နိုင်ငံတော်အဓိပတိ၏သစ္စာတော်ကို အောက်ပါ အတိုင်းရွတ်ဆိုကတိသစ္စာပြုသည်။
''မြန်မာနိုင်ငံသူနိုင်ငံတော်သားတို့လိုလား တောင့်တအာသီသထားသော အကြောင်းအချက် များအတိုင်း ကျွန်ုပ်သည် တရားနှင့်အညီတည် ကြည်ဖြောင့်မတ်စွာ နိုင်ငံတော်ကိုအုပ်ချုပ်မည် ဟု လူသိနတ်မြင်သစ္စာမူပါသည်။''
ထိုသို့သစ္စာကတိပြုပြီးသည်နှင့် ပုဏ္ဏားတော် ဆရာမြက အောင်ဘိသိက်သွန်းကာ လက်ျာရစ် ခရုသင်းကိုသုံးကြိမ်တိုင်တိုင်မှုတ်၍ မင်္ဂလာအခါ ပေးလိုက်ရာ အဆင်သင့်ရှိသော မင်္ဂလာစည် တော်ကိုရွမ်းပြီး အောင်စည်အောင်မောင်းတို့ကို ခြိမ်းခြိမ်းညောင်းအောင်တီးမှုတ်ကြလေသည်။
ဒေါက်တာဗမော်အစိုးရက ဦးထိပ်ထား ဆောင်ရွက်ရမည့်အစိုးရအဖွဲ့ ဖွဲ့စည်းအုပ်ချုပ်ပုံ စည်းမျဉ်း(အခြေခံဥပဒေသဘော)ကိုရေးဆွဲကာ အဓိပတိရုံးအတွင်းဝန်ချုပ်လက်မှတ်ဖြင့် ထုတ်ပြန် ခဲ့သည်။ ယင်းအုပ်ချုပ်ပုံစည်းမျဉ်းဥပဒေတွင် အစိုးရဖွဲ့စည်းပုံ၊ အုပ်ချုပ်ပုံနှင့် နိုင်ငံသားတို့၏ မူလအခွင့်အရေးများကိုပါဖော်ပြထားသည်။ယနေ့ ခေတ်နိုင်ငံတော်ဖွဲ့စည်းပုံအခြေခံဥပဒေများလောက် ပြည့်စုံ၊ပီပြင်မှုမရှိသော်လည်း သူ့ခေတ်၊ သူ့အခါ ရေးဆွဲပြဋ္ဌာန်းကျင့်သုံးသော အခြေခံဥပဒေအငယ် စားဖြစ်သည်ဟုဆိုနိုင်၏။ မြန်မာနိုင်ငံ၏ပထမဆုံး သော အခြေခံဥပဒေဟုလည်း ဆိုသော်ရ၏။ ၁၉၄၇ခုနှစ် အခြေခံဥပဒေ၊ ၁၉၇၄ခုနှစ် အခြေခံ ဥပဒေနှင့် ၂ဝဝ၈ အခြေခံဥပဒေများနှင့်ပါဆိုလျှင် စာဖြင့်ရေးသားပြဋ္ဌာန်းထားသောWritten Con- stitutional Law လေးခုဟုမှတ်သားနိုင်ပေသည်။
ဂျပန်တို့ကြီးစိုးသော ဒုတိယကမ္ဘာစစ် သုံးနှစ် သုံးမိုးကာလတွင် ဒေါက်တာဗမော်အစိုးရအာ ဘော် ဗမာ့ခေတ်သတင်းစာ၊ဂျပန်စစ်တပ်(အစိုးရ) အာဘော်၊ ဂရိတ်တားအေရှ(အင်္ဂလိပ်)ဘာသာ သတင်းစာတို့တွင် အဓိပတိဒေါက်တာဗမော်၏ ပုံနှင့်သတင်းများ အသားပေးဖော်ပြခဲ့၏။
ဂျပန်နိုင်ငံနှင့် မြန်မာနိုင်ငံချစ်ကြည်ရေးစာချုပ် ကိုလည်း ဂျပန်ဘက်မှ ဂျပန်သံအမတ်ကြီးရန်ဇို ဆာဝါဒါးနှင့် မြန်မာနိုင်ငံဘက်မှ ဒေါက်တာဗမော် (မြန်မာနိုင်ငံတော်ဝန်ကြီးချုပ်)တို့ လက်မှတ်ရေး ထိုးချုပ်ဆိုခဲ့သည်။ စာချုပ်ခြေဆင်းတွင် ဤသို့ ဖော်ပြ၏။
''ဂျပန်ဧကရာဇ်နိုင်ငံတော်အစိုးရနှင့် မြန်မာ နိုင်ငံတော်အစိုးရတို့သည်ယခုအခါဂျပန်နိုင်ငံတော် အစိုးရသည် မြန်မာနိုင်ငံတော်ကို လွတ်လပ်သော နိုင်ငံတော်အဖြစ်ဖြင့် အသိအမှတ်ပြုပြီးဖြစ်ရကား နိုင်ငံတော်နှစ်နိုင်ငံတို့သည် တစ်ဦး၏ဘာဏာပိုင် လွတ်လပ်ရေးကို တစ်ဦးကရိုသေလေးစားရမည် ဟူ၍လည်းကောင်း၊ မဟာအရှေ့အာရှတိုက် (ွGreater East Asia)တွင် အခြားနိုင်ငံများနှင့် ရင်းနှီးစွာပူးပေါင်းလျက် တရားလမ်းမှန်ကျမှု၌ အခြေခံရှိသော အညီအညွတ်ထူထောင်ရေးလုပ် ငန်းကြီးကို ဆောင်ရွက်မည်ဟူ၍လည်းကောင်း၊ ယင်းသို့ဆောင်ရွက်သဖြင့် တစ်ကမ္ဘာလုံး၏ငြိမ်း ချမ်းရေးကို ကူညီအားပေးမည်ဟူ၍သန္နိဋ္ဌာန်ချ ပြီး ဖြစ်ကြသည့်အတိုင်း လမ်းခရီးတွင်ရှိသောအနှောင့် အယှက်ဟူသမျှကို အရင်းအမြစ်မှသုတ်သင်ပယ် ရှင်းရန် မယိမ်းမယိုင်ခိုင်မြဲသောစိတ်ဖြင့် အောက် ပါအပိုဒ်များအတိုင်းသဘောတူညီကြလေသည်။
ယင်းစာချုပ်တွင် အပိုင်းလေးပိုင်းပါရှိသည်။ စာချုပ်လက်မှတ်ရေးထိုးသောနေ့စွဲမှာ ဂျပန်ရှိုခါ သက္ကရာဇ်တစ်ဆယ့်ရှစ်နှစ်မြောက် အဋ္ဌဖလ၊ ပထမနေ့၊ မြန်မာသက္ကရာဇ် ၁၃ဝ၅ခုနှစ် ဝါခေါင် လဆန်း ၁ရက်နေ့၊ (၁၉၄၃ခုနှစ် သြဂုတ်လ ၁ရက်)တွင် ရန်ကုန်မြို့၌ လက်မှတ်ရေးထိုးကြ သည်။ ယင်းစာချုပ်ပါအချက်များမှာ မဟာအရှေ့ အာရှစစ်ကြီး အောင်မြင်သည်အထိ နှစ်နိုင်ငံ စစ်ရေး၊ စီးပွားရေး၊ နိုင်ငံရေးတို့တွင် ပူးပေါင်း ဆောင်ရွက်ရန်၊ မဟာအရှေ့အာရှအတြူ<ွကယ်ဝတိုး တက်ရေးကို အတူဆောင်ရွက်မည်။ လိုအပ်သော အခါ နှစ်နိုင်ငံအာဏာပိုင်ချင်း တိုင်ပင်ဆုံးဖြတ်ရန် စသည်တို့ပါဝင်သည်။ အဓိပတိဒေါက်တာဗမော်၏ အစိုးရအဖွဲ့သစ်ကိုလည်း လွတ်လပ်ရေး ကြေညာသောနေ့မှာပင် အောက်ပါအတိုင်းဖွဲ့စည်းသည်။
၁။ ဒေါက်တာဗမော် နိုင်ငံတော်အဓိပတိနှင့်ဝန်ကြီးချုပ်
၂။ သခင်မြ ဒုတိယဝန်ကြီးချုပ်
၃။ သခင်အောင်ဆန်း စစ်ဝန်ကြီး၊ကာကွယ်ရေးဌာန
၎။ ဒေါက်တာသိန်းမောင် ဘဏ္ဍာရေးဝန်ကြီး
၅။ သခင်နု နိုင်ငံခြားရေးဝန်ကြီး
၆။ ဗန္ဓုလဦးစိန် ဝါဒဖြန့်ချိရေးနှင့်စီးပွားရေးဌာနဝန်ကြီး
၇။ ဦးသိန်းမောင် တရားရေးဌာနဝန်ကြီး
၈။ ဦးလှမင်း ကျန်းမာရေးနှင့်စည်ပင်သာယာရေးဝန်ကြီး
၉။ ပျော်ဘွယ်ဦးမြ ကူးသန်းရောင်းဝယ်ရေးစက်မှုလက်မှုဝန်ကြီး
၁ဝ။ ဦးဘဝင်း ပြည်ထဲရေးဝန်ကြီး
၁၁။ ဦးထွန်းအောင် ပူးပေါင်းဆောင်ရွက်ရေးဝန်ကြီး
၁၂။ သခင်သန်းထွန်း လယ်ယာစိုက်ပျိုးရေးဝန်ကြီး
၁၃။ ဦးလှဖေ သစ်တောနှင့်သတ္တုတွင်းဌာနဝန်ကြီး
၁၄။ ဦးအေး အခွန်တော်ဝန်ကြီး
၁၅။ သခင်လေးမောင် လမ်းပန်းဆက်သွယ်ရေးဝန်ကြီး
၁၆။ သခင်လွန်းဘော် ဌာနလက်ကိုင်မရှိ
မြန်မာ့တပ်မတော်ဖွဲ့စည်းပုံသစ်
၁။ ဗိုလ်ချုပ်အောင်ဆန်း စစ်ဝန်ကြီး
၂။ ဗိုလ်စကြာ ဒုတိယစစ်ဝန်ကြီး
၃။ ဗိုလ်နေဝင်း စစ်သေနာပတိ
၎။ ဗိုလ်လက်ျာ ဖွဲ့စည်းရေးဌာနကြီးမှူး
၅။ ဗိုလ်ဇေယျ စစ်ဦးစီးချုပ်တို့ဖြစ်ကြသည်။
ဥပဒေများရေးဆွဲပြုစုပေးမည့် အတိုင်ပင်ခံလွှတ်တော်ကိုအောက်ပါ ပုဂ္ဂိုလ်များဖြင်ဖွဲ့စည်းကာ အထွေထွေအုပ်ချုပ်ရေးနှင့် ဥပဒေရေးဆွဲရေး တာဝန်ပေးသည်။ ဆာဦးသွင်၊ ဦးဘလှိုင်၊ သခင်ကိုယ်တော်မှိုင်း၊ ဒေါက်တာစံစီဖိုး၊ ဦးချစ်လှိုင်၊ ဦးထွန်းဖေ၊ ဒေါက်တာဦးဆက်၊ဟင်္သာတ ဦးမြ၊ ဦးကျော်၊ ဦးအေးမောင်၊ ဦးမောင်မောင်ပြူး၊ ဦးကြီးမြင့်၊ ဦးဘိုစံ၊ ဦးခင်မောင်ပု၊ ဒီးဒုတ် ဦးဘချို၊ ဦးတင်(မြန်မာ့အလင်း)၊ ဦးစိန်ဝင်း(ပဲခူး)၊ ဦးဘသီ(မန္တလေး)၊ သခင်သာဒင်နှင့် ဦးမှီတို့ စုစုပေါင်း ၂ဝဦးပါဝင်သည်။
၁၉၄၃ခုနှစ် စက်တင်ဘာလ ၂၆ရက်နေ့တွင် ဂျပန်သံအမတ်ရင်ဇိုဆာ ဝါဒါးနှင့် အဓိပတိဒေါက်တာဗမော်တို့ သဘောတူစာချုပ်တစ်ရပ်ကို ရန်ကုန်၌ကျင်းပသည်။ ယင်းစာချုပ်၌ ရှမ်းပြည်နယ်၏ အစိတ်အပိုင်း အချို့သာ မြန်မာပြည်မနှင့်ပူးပေါင်း နေထိုင်ကြကြောင်း။ ၁။ ကျိုင်းတုံ နယ်၊ ၂။ မိုင်းပွန်နယ်၊ ၃။ ကရင်နီနယ်(ကယားပြည်နယ်)နှင့် ၄။ 'ဝ' ဒေသကို မြန်မာပိုင်အဖြစ်မှချန်လှပ်ထားကြောင်း ဖော်ပြထားသည်။ ရှမ်းပြည်နယ်အရှေ့ပိုင်း ကျိုင်းတုံအပါအဝင် ရှမ်းပြည်နယ်အစိတ်အပိုင်းကို ဂျပန်တို့က ယိုးဒယား(ထိုင်း) နိုင်ငံသို့လက်ဆောင်ပေးထားလိုက်ပေသည်။ ကမ္ဘာစစ်အတွင်း ဂျပန်စစ်တပ်များအတွက် လူသူ၊ လက်နက်ရိက္ခာပို့ ဆောင်ရေးအတွက် သံဖြူဇရပ်မှထိုင်းနိုင်ငံကွေးမြစ်ဖြတ်(သေမင်းတမန်) မီးရထားလမ်းဖောက်လုပ်ရန် ထိုင်းကခွင့်ပြု၍ ကျေးဇူးတုံ့ပြန်ခြင်းဖြစ် သည်။ မြန်မာတို့က အပြင်းအထန်ကန့်ကွက်ခဲ့ကြသည်။
သုံးနှစ်သုံးမိုးကာလအတွင်း ရိုင်းစိုင်းယုတ်မာသော အကြမ်းဖက် ဖက်ဆစ်ဂျပန်တို့၏လူမဆန် သောရက်စက်မှုများ၊ မြန်မာ့ရတနာ၊ မြန်မာ့ ဥစ္စာပစ္စည်းများ လုယက်သယ်ထုတ်နေသောလုပ်ရပ်များကို မခံနိုင်သည့် မြန်မာတို့က ၁၉၄၅ ခုနှစ် မတ်လတွင်တော်လှန်တိုက်ခိုက်မောင်းထုတ် ခဲ့ရပေသည်။ လွတ်လပ်ရေးအတု၏သဘောသဘာဝကိုလည်း မြန်မာတို့ ပိုသိလာကြသည်။
၂ဝဝ၃ခုနှစ် မတ်လ ၁၉ ရက်နေ့မှစ၍ ကုလသမဂ္ဂမှတားနေသည့် ကြားမှ အမေရိကန်တို့က အီရတ်ကိုကျူးကျော်တိုက်ခိုက်ခဲ့သည်။ ၂ဝဝ၁ ခုနှစ် အောက်တိုဘာ ၁ ရက်မှစ၍ အာဖဂန်နစ္စတန်ကို အမေရိကန်၊ ဗြိတိန်နှင့်နေတိုးစစ်အုပ်စုက ကျူးကျော်တိုက်ခိုက်ခဲ့သည်။ ယင်းနှစ်နိုင်ငံ ကို အမေရိကန်က အဓိကပစ်မှတ်ထားတိုက်ရခြင်းမှာအမေရိကန်တို့လိုအပ် သောရေနံများလို သလောက်လိုအပ်ချိန်ရယူနိုင်ရေးဖြစ်သည်။ အာဖဂန်ကို အိုစမာဘင်လာဒင်ကိုလက်ခံထား၍ဟု အကြောင်းပြတိုက်သည်။ အီရတ် ကိုမူ ဦးစွာ အီရတ်သမ္မတဆက်ဒမ်ဟူစိန်က နျူကလီးယား လက်နက်၊ ဓာတုအဆိပ်လက်နက်၊ဇီဝရောဂါပိုးမွှားလက်နက်များလုပ်နေ၍ဟုအကြောင်း ပြတိုက်သည်။ ထိုလက်နက်ရှာမတွေ့မှ ဆက်ဒမ်ဟူစိန်လို မင်းဆိုးမင်း ညစ်ကိုဖြုတ်ချရန်ဟုဆိုပြန်သည်။ ဆက်ဒမ်ဟူစိန်ကိုဖမ်းမိပြီး ကြိုးပေး သတ်ပစ်ပြီး နောက်အီရတ်ကိုဆက်ကျူးကျော်ရန် 'အီရတ်ပြည်သူတွေ ပြည့်ပြည့်ဝဝလွတ်လပ်ရန်၊ ဒီမိုကရေစီရရှိရန်'ဟု အကြောင်းပြသည်။ ၂ဝဝ၃ခုနှစ်မှ ယခု ၂ဝ၁၆ခုနှစ်အထိ အီရတ်စစ်ပွဲ ၁၃နှစ်ကြာပြီ။ အီရတ် ပြည်သူတို့သိန်းချီသန်းချီသေနေရသည်။ ယနေ့တိုင်သွေးချောင်းစီးဆဲ ဖြစ်သည်။ အမေရိကန်ကပေးလိုသော လွတ်လပ်ရေးဆိုသည်မှာ လွတ် လပ်နေသောနိုင်ငံကိုစိတ်ကြိုက်အမဲဖျက်၊ ကိုယ်လိုသောရေနံတဝတပြဲ ထုတ်ယူပြီး အီရတ်ကိုသွေးပင်လယ်ထဲတွင် လွတ်လပ်နေစေခြင်းဖြစ် သည်။
လွတ်လပ်ရေး(ဝါ)အချုပ်အခြာအာဏာ(ဝါ) ကိုယ့်ကြမ္မာကိုယ် အကောင်းဆုံးလွတ်လပ်စွာဖန်တီးခွင့်ဟူသည် နိုင်ငံတိုင်းမှနိုင်ငံသား (ကမ္ဘာသူကမ္ဘာသား)တိုင်း၏ မွေးရာပါသဘာဝအမွေဖြစ်သည်။ ဤလွတ် လပ်ရေးကို နယ်ချဲ့ကျူးကျော်သိမ်းပိုက်ကျွန်ပြုသော နယ်ချဲ့များကြောင့် လွတ် လပ်ရေးဟူသောစကားလုံး ပြန်လည်သုံးစွဲနေကြရခြင်းဖြစ်သည်။ နိုင်ငံတိုင်းမှ နိုင်ငံသားအများစုကြီး လိုလားဆန္ဒရှိသောအရာအားလုံးကို အများ သဘောတူအကောင်အထည်ဖော်ခွင့်သည် ဒီမိုကရေစီ၏ မူလ တရားကိုယ်ဖြစ်သည်။ လွတ်လပ်ရေးအတု၊ ဒီမိုကရေစီအတုအန္တရာယ် များကိုသာ သတိထားရှောင်ကြဉ်ဖယ်ရှားပစ်ရပေမည်။ ဒီမိုကရေစီသည် ပြည်သူ့ဆုံးဖြတ်ချက်ကိုခေါ်သည်။ နိုင်ငံရေးသမားတို့၏ဆန္ဒကို၊ အထူး သဖြင့် အာဏာစိတ္တဇကိုလွတ်လပ်စွာ ဥပဒေချိုးဖောက်အကောင်အထည် ဖော်နေခြင်း၊ ပြည်သူကိုစတေးနေခြင်းများသည် ဒီမိုကရေစီအသစ်လည်း မဟုတ်၊ လွတ်လပ်ရေးအသစ်လည်းမဟုတ်သည်ကို သမိုင်းနှင့် ယှဉ်ပြီး စဉ်းစားသုံးသပ်ကြရပေမည်။ အီရတ်ပြည်သူတို့ အနောက်နယ်ချဲ့ လွတ်လပ်ရေးနှင့် ဒီမိုကရေစီတု၏ဒဏ်ကို သွေးပင်လယ်၌လက်ပစ် ကူးရင်းခံစားနေရပြီ။ မြန်မာတို့ကလည်း ဖက်ဆစ်ဂျပန်တို့၏ဒီမိုကရေစီ အတုဖြင့် ဖက်ဆစ်ကြမ်းကြုတ်မှုဒဏ်သုံးနှစ်ခံရပြီးဖြစ်ကြောင်း ဖက်ဆစ် နယ်ချဲ့တို့ပေးသော လွတ်လပ်ရေးအတုကို မျက်ဝါးထင်ထင်မြင်ခဲ့ကြရပြီး နယ်ချဲ့လက်သစ်တို့၏လွတ်လပ်ရေးအတု ဒီမိုကရေစီအတုများကိုလည်း ကြုံတွေ့နေရပြန်ပြီဖြစ်သောကြောင့် မေ့မပစ်ကြရန် တိုက်တွန်းနှိုးဆော် လိုက်ရပါသည်ခင်ဗျား။
