အတွေးအပိုင်းအစ
မြန်မာပြည်မှာ လူဦးရေသန်းခြောက်ဆယ်
အဲဒီထဲမှာ
နိုင်ငံရေးစိတ်မဝင်စား
ကိုယ့်အလုပ်ကိုယ်လုပ် ကိုယ့်ထမင်းကိုယ်စား
အေအေးနေချင်တဲ့သူက သန်းငါးဆယ်လောက်ရှိမယ်
(ကလေးတွေပါပါတယ်)
နိုင်ငံရေးစိတ်ဝင်စားသူ ဆယ်သန်းမှာမှ
နိုင်ငံရေးကို ထဲထဲဝင်ဝင်တကယ် လုပ်နေတဲ့သူက
တစ်သိန်း ထားပါတော့ နှစ်သိန်း
(နိုင်ငံရေးကို လုပ်စားနေတဲ့သူတွေပါပါတယ်)
အဲဒီနှစ်သိန်းထဲကမှ
နိုင်ငံရေးယုံကြည်ချက်
လူမျိုးစုလွတ်မြောက်ရေးဆိုတဲ့ခေါင်းစဉ်တွေနဲ့
လက်နက်ကိုင်တိုက်တာကို
ယုံကြည်တဲ့သူ သဘောတူတဲ့သူ ဘယ်နှစ်ဦးရှိမလဲ...
သိပ်တော့ မများနိုင်ဘူးလို့ ကျွန်တော်ထင်ပါတယ်
အဲတော့ လက်နက်ကိုင်တော်လှန်ရေးဆိုတာ
လက်နက်ကိုင်လို့အကျိုးကျေးဇူး လက်တွေ့ခံစားနေရတဲ့
လူတစ်စုကသာ ယုံကြည်မှာဖြစ်ပြီး
သာမန်ပြည်သူသန်းပေါင်းများစွာကတော့ မယုံကြည်တော့ပါဘူး
တကယ်တော့လည်း
လူမျိုးစုလွတ်မြောက်ရေးဆိုတာ ဒီခေတ်ထဲမှာ
လုံးဝ ခေတ်မမီတော့တဲ့ကြွေးကြော်သံတစ်ခု ဖြစ်သွားပြီလို့
ကျွန်တော်ထင်တယ်
ကိုယ့်စိတ်နဲ့နှိုင်းပြောရရင်
အခုနေ အမေရီကန် သို့ အင်္ဂလန်လို
တိုးတက်ဖွံ့ဖြိုးပြီးနိုင်ငံတစ်ခုကသာ
မြန်မာနိုင်ငံသားတွေ တံခါးမရှိဓားမရှိ ဝင်စေလို့ ခွင့်ပြုလိုက်ရင်
"ငါ့ကို မျက်နှာဖြူကြီးတွေက အုပ်ချုပ်တော့မှာ ကျွန်ပြုတော့မှာ"လို့
တွေးနေမှာမဟုတ်ဘူး
ကိုယ်ကိုယ်တိုင်ကကို ကြေကြေနပ်နပ်ကြီး အအုပ်ချုပ်ခံဖို့
ရွှေ့သွားမိမှာပဲ
ဒါ့ကြောင့် ဒီခေတ်လူတော်တော်များများရဲ့ နိုင်ငံရေးခံယူချက်က
ရှင်းတယ်
"ကိုယ့်ကို ဘယ်သူတွေအုပ်ချုပ်တယ်ဆိုတာထက်
ကိုယ့်အနာဂတ်ကို
ဘယ်သူတွေက ကောင်းအောင်လုပ်ပေးနိုင်မလဲ"ဆိုတာကိုပဲ
စိတ်ဝင်စားကြတယ်
တကယ်တော့ ဒီမိုကရေစီဆိုတာကလည်း
သာမန်လူတွေ နားလည်အောင် အရှင်းဆုံးပြောရရင်
"ပြည်သူက အုပ်ချုပ်သူတွေကိုရွေးချယ်တာ မဟုတ်ပါဘူး
ပြည်သူ့အနာဂတ်ကောင်းမွန်အောင်
စီမံခန့်ခွဲနိုင်မယ့်သူတွေကိုသာ ရွေးချယ်ရတဲ့စနစ်ဖြစ်ပါတယ်"
ဇော်သစ်
မူရင်းပိုစ်
