မူနဲ့လူ

အားလုံးကို မင်္ဂလာပါလို့ နှုတ်ခွန်း ဆက်သပါတယ်။ မူနဲ့လူကို ဆန်းစစ် လေ့လာတင်ပြလိုပါတယ်။ အစိုးရနဲ့ လူ ပုဂ္ဂိုလ်ဆိုတာ ကျင့်သုံးတဲ့တရားရဲ့ အဖန် ဆင်းခံသာဖြစ်တယ်လို့ လူမှုသိပ္ပံတရား က ဆိုပါတယ်။ မှန်ပါတယ်။ အစိုးရ တစ်ရပ်ဟာ ဘယ်လိုမူဝါဒတွေကို ကိုင် စွဲကျင့်သုံးသလဲဆိုတဲ့အပေါ်မှာ ဒီအစိုးရ ဟာ ဘယ်လိုအစိုးရမျိုးလဲဆိုတာကို သိ မြင်နိုင်သလို လူပုဂ္ဂိုလ်တွေကိုလည်း ဘယ်လို(တရား) ဘယ်လိုအကျင့်ကိုကျင့် ကြံသလဲဆိုတဲ့အပေါ်မှာ လူဆိုးလူကောင်း ခွဲခြားနိုင်ပါတယ်။ လူပုဂ္ဂိုလ်တွေဟာ ဖောက်ပြန်တတ်တယ်။ တရားသာလျှင် မဖောက်မပြန်မှန်ကန်လို့ဖြစ်ပါတယ်။ မူ မဲ့(တရားမဲ့)ပုဂ္ဂိုလ်ကိုးကွယ်ရေး၊ ပုဂ္ဂိုလ် ဆန့်ကျင်ရေးတွေဟာ အမှန်တရားနဲ့ကင်း ကွာကျဆုံးသွားရလေ့ရှိပါတယ်။ဒါကြောင့်  နိုင်ငံနဲ့ပြည်သူအကျိုးကိုဆောင်ရွက်ကြတဲ့ နိုင်ငံရေးပါတီများတွင် သဘောတရား ရေး၊ နိုင်ငံရေးမူဝါဒလမ်းစဉ်ရှိကြရမြဲဖြစ် ပါတယ်။ ပါတီဝင်ကျင့်ဝတ်များ၊ ပါတီ စည်းမျဉ်းနဲ့ ဖွဲ့စည်းပုံများရှိကြရမြဲဖြစ် ပါတယ်။ ခိုင်မာတဲ့ သဘောတရားရေး၊ နိုင်ငံရေးမူဝါဒ လမ်းစဉ်တစ်ရပ်မရှိဘဲ နိုင်ငံရေးနယ်ပယ်ထဲသို့ဝင်ရောက်လာမယ် ဆိုရင် ဆင်ကန်းတောတိုးသလိုသာ ကြုံ နိုင်ပါတယ်။ လူ့အဖွဲ့အစည်းအသီးသီး တို့ရဲ့ ဖြစ်ပေါ်ပြောင်းလဲမှုတွေဟာ နိုင်ငံ ရေးနဲ့စီးပွားရေးပေါ်မှာ တည်မီဖြစ်ပေါ် ရလေ့ရှိပါတယ်။ ဒါကြောင့် လူမှုသိပ္ပံ ပညာရှင်ကြီးများက သင်သည် နိုင်ငံရေး ဘောဂဗေဒကိုမလေ့လာမသိရှိဘဲနိုင်ငံရေး လုပ်သလိုလို၊ တော်လှန်ရေးလုပ်သလိုလို နိုင်ငံရေးနယ်ပယ်ထဲဝင်ရောက်လာပါက-
(၁) သင့်ကိုယ်သင် လိမ်လိမ့်မည်။
(၂) သင့်ကို သူတစ်ပါးအလိမ်ခံ
 ရလိမ့်မည်။
(၃) သင်ကသူတစ်ပါးကိုလိမ်လိမ့်  မည်လို့ သွန်သင်ခဲ့ပါတယ်။
''နိုင်ငံရေးဟာ အောက်ခြေအကျဆုံး စိတ်ဓာတ်အခြေအနေကိုပေးတယ်။ဘောဂ ဗေဒ(စီးပွားရေး)ဟာ အောက်ခြေအကျ ဆုံး ရုပ်ဘဝအခြေအနေကိုပေးတယ်လို့ လူမှုသိပ္ပံပညာရှင်ကြီးများက နိုင်ငံရေး ဘောဂဗေဒကို ဖွင့်ဆိုပါတယ်။ ဒါကြောင့် နိုင်ငံရေးဘောဂဗေဒဟာ စိတ်နဲ့ရုပ်ဆက် ဆံရေး၊ ကုန်လုပ်ဆက်ဆံရေးနဲ့ ကုန် လုပ်စွမ်းအားစုတို့ ဆက်ဆံရေးဖြစ်တဲ့ အတွက် လူ့အဖွဲ့အစည်းတစ်ခုလုံးကို လွှမ်းခြုံထားတဲ့တရားဖြစ်ပါတယ်။ သိပ္ပံ နယ်ပယ်နဲ့ကြည့်မယ်ဆိုရင်လည်း (Natu- ral  Science) သဘာဝသိပ္ပံနယ်ပယ်မှာ ရော (Social Science) လူမှုသိပ္ပံနယ်ပယ် မှာပါ ဧကန်ဖြစ်မယ့်တရားတွေကို ဆင် ခြင်သိမြင်ပြီး လူ့အဖွဲ့အစည်းအကျိုးကို ကြိုးပမ်းလာခဲ့ရတာဖြစ်ပါတယ်။သဘာဝ   သိပ္ပံနယ်ပယ်တွင် သဘာဝတရားများရဲ့ ကြောင်းကျိုးဆက်စပ်ဖြစ်ပေါ်နေမှုတွေကို ဆင်ခြင်သိမြင်ပြီး ဒီကနေ့လို နှောင်း ခေတ်အီလက်ထရွန်နစ်နည်းပညာခေတ် ကို ရောက်လာခဲ့သလို လူမှုသိပ္ပံနယ်ပယ် တွင်လည်းလူ့အဖွဲ့အစည်းရဲ့ကြောင်းကျိုး ဆက်စပ်ဖြစ်ပေါ်မှုများကို ဆင်ခြင်သိမြင် ပြီး ဒီကနေ့လို ဒီမိုကရေစီလူ့ဘောင်ထူ ထောင်ပြောင်းလဲလာကြတာဖြစ်တယ်။ ဥပမာအားဖြင့် ဒီကနေ့ကမ္ဘာမှာတိုးတက် အောင်မြင်နေတဲ့အရင်းရှင်စနစ်(ဈေးကွက် စီးပွားရေးနဲ့ဒီမိုကရေစီ)ဟာတော်လှန်ရေး စခန်းသုံးဆင့်ကို သတ်သတ်မှတ်မှတ်ဖြတ် သန်းခဲ့ရပါတယ်။
(၁) ပထမအဆင့် လက်မှုထုတ် လုပ်ရေးအဆင့်ဖြစ်တယ်။ လြူ့<ွကက်သား၊ တိရစ္ဆာန်ြ<ွကက်သားစွမ်းအားနဲ့ ထုတ် လုပ်တဲ့ အဆင့်ဖြစ်တယ်။ လှုပ်ရှားမှုစွမ်းအားဟာ၁နာရီ သုံးမိုင်၊ငါးမိုင်နှုန်းဖြစ်တယ်။
(၂) ဒုတိယအဆင့် စက်မှုတော် လှန်ရေးလူမှုစီးပွားရေးစနစ် ဖြစ်တယ်။ ရေနွေးငွေ့စွမ်း အားသုံး စက်မှုခေတ်ဖြစ် တယ်။ လှုပ်ရှားမှုစွမ်းအား ၁နာရီ ၁၅မိုင်၊ မိုင်၂ဝ နှုန်း ဖြစ်တယ်။
(၃)  တတိယအဆင့်ဟာ နှောင်း ခေတ်အီလက်ထရွန်နစ်နည်း ပညာလူမှုစီးပွားရေးစနစ်ဖြစ် တယ်။ ဒီစနစ်ဟာ တစ် စက္ကန့်မှာ မိုင် ၁၈၆ဝဝဝနှုန်း မြန်တဲ့ အလင်းပြေးနှုန်းနဲ့ညီ တဲ့ခေတ်၊ဒီ့ထက်ပိုမြန်လာတဲ့ Information Technology (IT) နည်းပညာနဲု့Knowledge Based Economy အသိပညာအခြေခံစီးပွားရေး ထွန်းကားတဲ့ အရင်းရှင်ဒီမို ကရေစီခေတ်ကို ရောက်လာ ပြီဖြစ်ပါတယ်။
ဒါကြောင့် ဒီကနေ့ ဂလိုဘယ်လိုက် ဇေးရှင်းခေတ်ဟာ ၂၁ရာစုနှောင်းခေတ် အီလက်ထရွန်နစ် အရှင်းရှင်စနစ်ကို အကြောင်းပြုပြီး ပေါ်ပေါက်လာတာဖြစ် တယ်။  ''သဘာဝသိပ္ပံတွင် သဘာဝ တရားများက ထိန်းကျောင်းစိုးမိုးနေသလို လူမှုသိပ္ပံနိုင်ငံရေးတွင်လည်း လူမှုဖြစ်ပေါ် တိုးတက်ရေးတရားများက ပြဋ္ဌာန်းအစိုးရ  လျက်ရှိပါတယ်။  သဘာဝသိပ္ပံတွင် သဘာဝတရားများကိုဖော်ထုတ်တွေ့ရှိခြင်း ဖြင့် တိကျတဲ့အဖြေတွေထုတ်နိုင်သလို လူမှုသိပံ္ပနိုင်ငံရေးတွင်လည်း လူမှုဖြစ်ပေါ် တိုးတက်ရေးတရားတွေရဲ့ အလင်းရောင် ဖြင့် သဘာဝသိပ္ပံလိုပဲတိကျတဲ့အဖြေတွေ ပေးနိုင်တယ်လို့ လူမှုသိပံ္ပတရားက ဆိုပါ တယ်။ မူနဲ့လူအကြောင်းကို ဆက်လက် တင်ပြရမယ်ဆိုရင်တစ်ချိန်က မြန်မာနိုင်ငံ မှာရော နိုင်ငံတကာမှာပါ စက်မှုအရင်းရှင် စနစ်(ဈေးကွက်စီးပွားရေးနဲ့ဒီမိုကရေစီ)ရဲ့ အမြင့်ဆုံးအဆင့်က တစ်ဆင့်သာ ခေတ် သစ်သိပံ္ပဆိုရှယ်လစ်စနစ်သို့ ငြိမ်းချမ်းစွာ တက်လှမ်းကူးပြောင်းနိုင်တယ်ဆိုတဲ့ လူမှု သိပံ္ပတရားကိုဖောက်ကျူးပြီး ဆိုရှယ် လစ်စနစ်တည်ဆောက်ခဲ့ကြတယ်။ ဒီ စနစ်တွေဟာ ဒီကနေ့ကျဆုံးကုန်ပြီဖြစ် တယ်။ အချို့နိုင်ငံများဟာ အရင်းရှင် စနစ်ထူထောင်ရေးကို ပြန်ပြောင်းကျင့် သုံးလာရတာဖြစ်တယ်။ မြန်မာနိုင်ငံတွင် တစ်ပါတီဆိုရှယ်လစ်စနစ်ကျင့်သုံးခဲ့တဲ့ မြန်မာ့ဆိုရှယ်လစ်လမ်းစဉ်ပါတီဟာ လူ သာပဓာနတရားကိုခံယူကျင့်သုံးခဲ့တယ်။ အဲဒီလို လူသာပဓာနဆိုရင်ဘာကြောင့် မြန်မာ့ဆိုရှယ်လစ်လမ်းစဉ်ပါတီ မအောင် မြင်သလဲ။ ဘာကြောင့် အခုလိုချုပ်ငြိမ်း သွားရပါသလဲ။ ကိုင်စွဲကျင့်သုံးတဲ့ တရား မှားလို့ဖြစ်ပါတယ်။
လူ့အဖွဲ့အစည်းတစ်ရပ်အဖို့ ကြုံတွေ့ နေရတဲ့အခက်အခဲများ၊ အကျပ်အတည်း များကို ဥပဒေတွေပြဋ္ဌာန်းပေးလိုက်ရုံနဲ့ လည်းမရနိုင်ပါ။ ရဲမိုက်တဲ့ခုန်ပျံကျော် လွှားမှုတွေ့နဲ့လည်း မလွန်မြောက်နိုင်ပါ။ မှန်တဲ့လူ့သမိုင်းဖြစ်ပေါ်တိုးတက်ရေးတရား တွေကို ရှာဖွေတွေ့ရှိပြီး လမ်းကြောင်းမှန် ပေါ်မှာ လျှောက်လှမ်းနိုင်မှသာ ဖွားမြင် ရတဲ့ဝေဒနာကို လျော့ပါးသက်သာစေပါ လိမ့်မယ်လို့လူမှုသိပ္ပံတရားကဆိုပါတယ်။ ဒီကနေ့ နိုင်ငံတကာတွင် အံ့ဖွယ်စီးပွား ရေး(Miracle Economy)  အောင်မြင်တိုး တက်လာခဲ့တဲ့ ဂျပန်၊တောင်ကိုရီးယား၊ တရုတ်စတဲ့ အာရှနိုင်ငံတွေဟာ လူမှုသိပံ္ပ နည်းကျလူ့အဖွဲ့အစည်းကိုတိုးတက်အောင် ကြိုးပမ်းလာနိုင်လို့ဖြစ်တယ်။ တစ်ချိန်က အမေရိကန်နဲ့ အနောက်ဥရောပနိုင်ငံများ ဟာလည်း အဲဒီလို လူမှုသိပံ္ပနည်းကျ လူ့ အဖွဲ့အစည်းကို တိုးတက်အောင်ကြိုးပမ်း လာနိုင်လို့ဖြစ်တယ်။ သဘာဝသိပံ္ပတွင် အောက်ဆီဂျင်တစ်ဆနဲ့ဟိုက်ဒရိုဂျင် နှစ်ဆ ပေါင်းရင်ရေဖြစ်တယ်။ ရေကိုအပူပေးရင် အပူချိန်ဒီဂရီ ၁ဝဝရောက်မှ ဆူပွက် တယ်ဆိုသလို သဘာဝသိပံ္ပတရားပေါင်း များစွာရှိပါတယ်။ အလားတူပဲ လူမှုသိပံ္ပ နိုင်ငံရေးတွင်လည်း အရင်းအနှီးပွားစည်း တိုးတက်ရေးတရားကို ပိတ်ပင်ထားရင် တိုးတက်တဲ့ အရင်းရှင်စနစ်ဖြစ်ပေါ်မလာ နိုင်(Surplus Value) အစွန်းထွက်တန် ဖိုးဟာ လူ့အဖွဲ့အစည်းတိုးတက်ဖြစ်ပေါ် ရေးရဲ့ မျိုးစေ့ဗီဇဖြစ်တယ်။ တော်လှန်ရေး ဆိုတာ လူ့အဖွဲ့အစည်းကို တိုးတက်တဲ့ ဘက်သို့ စနစ်တကျပြောင်းလဲပစ်ခြင်းဖြစ် တယ်။ ဧကန်ဖြစ်မယ့်တရားကိုသိခြင်း ဟာ လွတ်လပ်ရေး၊ သဘောတရားဟာ လူထုကိုချုပ်ကိုင်မိသည်နှင့်တစ်ပြိုက်နက် ရုပ်ဝတ္ထုအင်အားစုများဖြစ်လာတယ်။  တည်ငြိမ်အေးချမ်းမှုကင်းမဲ့တဲ့ လူ့အဖွဲ့ အစည်းတွင် ဒီမိုကရေစီမရှင်သန်နိုင်၊ လက်တွေ့မပါတဲ့သဘောတရားဟာ အမြုံ သဖွယ်ဖြစ်ပြီး သဘောတရားမပါဘဲ လက်တွေ့အကန်းသဖွယ်ဖြစ်တယ်။ လူ့ အခွင့်အရေးကို ပိတ်ပင်ထားတဲ့ လူ့အဖွဲ့ အစည်းတွေဟာ မတိုးတက်နိုင် စတဲ့ လူမှုသိပ္ပံတရားပေါင်းများစွာရှိပါတယ်။  ဒီတရားတွေကို ရှာဖွေဖော်ထုတ်ပြီးသာ လူ့အဖွဲ့အစည်းအကျိုးကို တည်ဆောက် သွားရတာဖြစ်ပါတယ်။ အချို့က လူသာ ပဓာနဖြစ်တယ်။ ဘယ်လောက်ပင် မူတွေ ကောင်းကောင်း လူမကောင်းရင်ဘယ်လို မှ အရာမရောက်နိုင်လို့ဆိုပါတယ်။ တင်ပြ လိုတဲ့ဆိုလိုရင်းက အစိုးရနဲ့ လူပုဂ္ဂိုလ်ဆို တာ ကိုင်စွဲကျင့်သုံးတဲ့တရားရဲ့ အဖန် ဆင်းခံသာဖြစ်လို့ ကိုင်စွဲကျင့်သုံးတဲ့တရား မှန်ဖို့လိုတယ်။ မူ(တရား)တွေကို လူတွေ ကရွေးချယ်ခံယူ ကျင့်သုံးရသော်လည်း အဲဒီရွေးချယ်ခံယူကျင့်သုံးတဲ့မူ (တရား) မှန်ဖို့လိုပါတယ်။ မူ(တရား)သာပဓာန ဖြစ်တယ်။ အချို့ကလူတစ်ယောက်ဟာ တစ်စုံတစ်ခုသောအမှားကို လုပ်တယ်။ အမှားကို အမှားလို့သိပြီး အမှန်ကို ပြောင်းလုပ်တယ်။ လူသာပဓာနမဟုတ် ဘူးလားလို့ဆိုကြတယ်။ အမှားနဲ့အမှန်ဆို တာ မူလား၊ လူလား။ မူ(တရား) သာဖြစ်ပါတယ်။ အမှားနဲ့အမှန်၊ အဆိုးနဲ့ အကောင်း၊အယုတ်နဲ့အမြတ်စတာတွေကို လည်းမူ(တရား)နဲ့သာခွဲခြားနိုင်ပါတယ်။
လွန်ခဲ့တဲ့ ၂ဝ၁၄ ခုနှစ်က နိုင်ငံရေး ပါတီများနဲ့ လူထုအခြေပြုအဖွဲ့အစည်း များပါဝင်တဲ့ အစည်းအဝေးတစ်ခုမှာ နိုင်ငံ ရေးပါတီများမှာပါတီဝင်ကျင့်ဝတ် (Code  of Conduct) ရှိဖို့လိုတဲ့ကိစ္စကို ဆွေးနွေး တဲ့အခါလူပုဂ္ဂိုလ်တစ်ဦးက ကျင့်ဝတ်တွေ ဘာတွေမလိုပါဘူး။ လူကောင်းဖို့သာလို တယ်လို့တင်ပြပါတယ်။ လူကောင်းမ ကောင်းဘာနဲ့တိုင်းမှာလဲဆိုရင် ကျင့်ဝတ် နဲ့တိုင်းရမယ်။  ပုဂ္ဂိုလ်ခင်မှ တရားမင် တယ်ဆိုတာလည်း ပုဂ္ဂိုလ်ကိုင်စွဲတဲ့တရား မှန်ဖို့လိုပါတယ်။လူပုဂ္ဂိုလ်တွေကိုလည်း တရားနဲ့အညီသာ ကိုးကွယ်ဆည်းကပ်ရ မယ်၊ကြည်ညိုလေးစားရမယ်ဖြစ်ပါတယ်။
ရှင်တော်မြတ်ဗုဒ္ဓကလည်း ကာလာ မသုတ်မှာ ''အမှားအမှန်ကို ဆုံးဖြတ်တဲ့ အခါ ဝေဖန်ဆန်းစစ်ကာ လက်တွေ့လုပ် ကြည့်ပြီးအကျိုးရှိတဲ့အယူဝါဒ(ဝိဘဇ္ဇဝါဒ) ကိုသာလက်ခံရမည်ဟု ဟောကြားခဲ့ပါ တယ်။ဗုဒ္ဓဝါဒဟာကြည်ညိုလေးစားခြင်း ကို လက်ခံတဲ့ဝါဒဖြစ်သော်လည်း ဗုဒ္ဓ သက်တော်ထင်ရှားရှိစဉ်က ဝက္ကလိရဟန်း ကို သဒ္ဓါသာရှိပြီး ပညာÓဏ်အသုံးမချ တဲ့အတွက် တရားကျင့်ဖို့နှင်ထုတ်ခဲ့တယ် လို့ နာယူခဲ့ဖူးပါတယ်။
ဒါကြောင့် အကန်းယုံ အရမ်းယုံ မယုံ ကြဘဲ သိပ္ပံပညာမျက်စိနဲ့သာဆင်ခြင် ကြပါစို့၊ ဆင်ခြင်တုံတရားမဲ့၊ ဆန္ဒစွဲယုံ ကြည်မှုတွေကို စွန့်လွှတ်ပြီး အသိအလိမ္မာ Óဏ်ပညာကိုသာ အားကိုးကြပါစို့လို့ တင်ပြလိုက်ရပါတယ်။

writer,ခင်ဝင့်စံ