ပြည်သူ့အမြင်(၁၇)

ဒီမိုကရေစီသို့ ချီရာလမ်းများ
ဒီမိုကရေစီမှာ ကွဲပြားခြားနားသောရေသောက်မြစ်များ (သို့မဟုတ်) လမ်းများရှိ နေသည်။ သဘာဝကျစွာရှိနေတတ်သည်။ မိမိတို့ကို အုပ်ချုပ်မည့်သူကို လူသားတို့ မိမိတို့ကိုယ်တိုင်ရွေးချယ်ပိုင်ခွင့်၊ ဖန်တီးစီရင်ပိုင်ခွင့်လမ်း၊ ရှေးဟောင်းအေသင်(ဂရိ)၊ ဝေသာလီ(အိန္ဒိယ)တို့တွင် သုံးခဲ့သောနည်းလမ်း ဒီမိုကရေစီ 'လူမျိုးများ၏ ကိုယ်ပိုင် ပြဋ္ဌာန်းခွင့်'ဟု ခေတ်အခေါ်စကားလုံးပေါ်လာသည်။ သမိုင်းအဆက်ဆက်ရှိခဲ့သော ဒီမိုကရေစီပုံစံဖြစ်သည်။
နောက်ထပ်လမ်းတစ်ခုမှာ ယနေ့ခေတ်စားနေသော 'လစ်ဘရယ်ဝါဒ'ဖြစ်သည်။ လူသားတို့၏တရားဥပဒေနှင့် အခြေခံလူ့အခွင့်အရေးများကို တန်းတူညီမျှစွာ ရယူသုံးစွဲ ပိုင်ခွင့်မှာ နိုင်ငံတော် သို့မဟုတ် အသိုင်းအဝိုင်းကြီးတစ်ခုလုံး၏ အထက်တွင်ရှိရမည် ဟူသော အယူအဆ။ လူမှုရေး၊ နိုင်ငံရေး၊ ယုံကြည်မှုသဘောထား၊ သဘောတရားနှင့် တန်ဖိုးထားမှုအားလုံးကို ရည်ညွှန်းပါသည်။ ထိုဖွင့်ဆိုချက်အရ နိုင်ငံတော်သည် နိုင်ငံသားတစ်ဦးချင်းထက် အကျိုးစီးပွားမရယူရဟု ဆိုလိုသည်။ နိုင်ငံတော်က နိုင်ငံ သားများကို စီးနင်း၍ ဘယ်လိုလုပ်၊ ဘယ်လိုကိုင်၊ ဘယ်လိုစဉ်းစားတွေးခေါ်ဟု အမိန့်ပေးညွှန်ကြားခွင့်မရှိ။ ၄င်းလစ်ဘရယ်ဝါဒဆိုသည်မှာ ၁၇ ရာစုနိုင်ငံရေး၊ လူမှုရေး ဒဿနပညာရှင်များ၏ ကြိုးပမ်းမှုရလဒ်ကောင်းဖြစ်သည်။ သို့သော် လစ်ဘရယ်ဒီမို ကရေစီအယူအဆသည် ၁၈ ရာစုအထိ လူမျိုးများ၏ ကိုယ်ပိုင်ပြဋ္ဌာန်းခွင့်လောက် ရှေ့တန်းမရောက်ခဲ့ပါ။
လူမျိုးစုဦးစားပေး ဒီမိုကရေစီရော၊ လူပုဂ္ဂိုလ်တစ်ဦးချင်းဦးစားပေး ဒီမိုကရေစီ ရော နှစ်ခုလုံးနှစ်မျိုးလုံး၊ လမ်းနှစ်လမ်းလုံး ဒီမိုကရေစီမှာ အသုံးတည့်သည်။ ပြိုင် တူသုံးသင့်သည်ဟု ပညာရှင်တို့ အဟောထွက်ပါသည်။
တစ်ခါ တရုတ်ဝန်ကြီးချုပ်ဟောင်း 'ဝမ်ကျားပေါင်'ကလည်း ဒီမိုကရေစီတွင် 'ရွေးကောက်ပွဲ'၊ 'အမှီခိုကင်း တရားရေးစနစ်'နှင့် 'အပြန်အလှန်ထိန်းကျောင်း စစ်ဆေးနိုင်သောစနစ်'တို့ပါဝင်သည်ဟု ဆိုလာသည်။ လစ်ဘရယ်သဘောတော့ ထည့်၍မပြောခဲ့ပါ။
၂ဝ ရာစုရောက်လာသောအခါ အဆိုပါလမ်းနှစ်လမ်းပေါင်းမိပြီး လူမျိုးတစ်မျိုး မက လူမျိုးစုံ၊ ဘာသာစကားစုံ၊ ယဉ်ကျေးမှုပဒေသာစုံ အပြိုင်ဖြစ်ထွန်း သီးပွင့်လာ ကြသည်။ ယင်းသည် 'ဒီမိုကရက်တစ်ဖက်ဒရယ်ပြည်ထောင်စု'သို့ ညွှန်းလေသည်။
၁၉၄၇ မြန်မာနိုင်ငံ အခြေခံဥပဒေအရ 'လူမျိုးစုလွှတ်တော်'ဟု ခေါ်ခဲ့ကြပြီး ယနေ့ ၂ဝဝ၈ အခြေခံဥပဒေအရ 'အမျိုးသားလွှတ်တော်'ဖြစ်လာလေသည်။
တစ်ဖန်လစ်ဘရယ်ဒီမိုကရေစီနည်းကျ လူတစ်ကိုယ်မဲတစ်မဲစနစ်ဖြင့် အောက်လွှတ် တော်(တစ်နည်း) ပြည်သူ့လွှတ်တော်ဖွဲ့စည်းကြရသည်။ လွှတ်တော်နှစ်ရပ်လုံး လုပ်ပိုင် ခွင့် တူညီစွာထားကြရသည်။ တစ်ဖက်စောင်းနင်းမဖြစ်စေရန် ရည်ရွယ်သည်။
အဆိုပါလွှတ်တော်နှစ်ရပ်ပေါင်း ပြည်ထောင်စုလွှတ်တော်ဖွဲ့စည်းကြရသည်။ ထူးခြားမှုဖြစ်သည်။ အမေရိကန်မှာတော့ ထိုသို့ပူးပေါင်းကျင်းပလေ့မရှိကြောင်း သိရ သည်။ ပူးပေါင်းရသည့်အခါ မရှိမဟုတ်၊ ရှိသည်။ သို့သော် မဲခွဲမဆုံးဖြတ်ဟု သိရ သည်။ ဒီမှာတော့ မဲခွဲဆုံးဖြတ်လေ့ရှိရာ လူများသော ပြည်သူ့လွှတ်တော်သာ အမြဲနိုင် လေ့ရှိပေသည်။ လူမျိုးစုလက်နက်ကိုင်အဖွဲ့တစ်ခုက ပြည်ထောင်စုငြိမ်းချမ်းရေးညီလာခံ ပထမအကြိမ်တွင် 'နွားသေကြိုးတုပ် အလုပ်ပါဗျာ' ဟု ဝေဖန်သွားကြောင်း မီဒီယာ တစ်ခုမှာ ဖတ်ရသည်။ တကယ်တော့ လူမျိုးများ၏ကိုယ်ပိုင်ပြဋ္ဌာန်းခွင့်နှင့် ဒီမိုကရေစီ အခွင့်အရေး မရောထွေးသင့်ပါ။
ကမ္ဘာမှာလည်း ဒီမိုကရေစီအပြည့်အဝနိုင်ငံ မများပြားလှသေးပါ။ ၄ဝ ရာခိုင်နှုန်း ဟုသာ သိရသည်။ လွတ်လပ်စွာပြောဆိုခွင့်ကို တားဆီးပိတ်ပင်သောအခြေအနေများ၊ ညှဉ်းပန်းနှိပ်စက်၊ ခွဲခြားဆက်ဆံ မမှန်မကန်ကိစ္စများ၊ အမျိုးသမီးများ၊ လူနည်းစုများ၊ လူမျိုးစုငယ်များ၊ ဘာသာလူမျိုးရေးအရ အမုန်းအာဃာတ(အဟောင်း)စိတ်များဖြင့် ဆက်ဆံနေခြင်းများကို အပြီးတိုင်အပြတ်ဖြတ်နိုင်ပါမှ လစ်ဘရယ်ဒီမိုကရေစီမည်ပါ မည်။ ဖက်ဆစ်ဝါဒ၊ ကွန်မြူနစ်ဝါဒ၊ တစ်ပါတီအာဏာဝါဒများကို အလဲထိုးအနိုင်ယူခဲ့ သည်မှာ အဆိုပါလစ်ဘရယ်ဒီမိုကရေစီဖြစ်ပါသည်။ လူ့အခွင့်အရေး၏ နောက်ခံဒဿန မှာလည်း လစ်ဘရယ်ဝါဒသာဖြစ်သည်။
ထို့ကြောင့် လူမျိုးစုကိစ္စလည်း အဆင်ပြေမှ၊ လစ်ဘရယ်ဒီမိုကရေစီလည်း ပီသမှ ဒီမိုကရေစီနိုင်ငံဟု ခေါ်နိုင်ပေမည်။ ထိုအခါ လူမျိုးစုကိစ္စနှင့် လစ်ဘရယ်ကိစ္စ ဘယ် သင်းကိုအရင်ကိုင်တွယ်မည်နည်း ပြဿနာရှိလာသည်။ သမိုင်းသင်ခန်းစာနှင့် အနာဂတ် မျှော်ခေါ်မှုနှင့်ပေါင်းစပ်နိုင်ရပါမည်။ သို့မှသာ အမျိုးသားသင့်မြတ်သွေးစည်းရေး ရပါ မည်။ ထိုသို့ရလာမှ တိုင်းပြည်ကို ဒီမိုကရေစီနည်းကျ ဖွံ့ဖြိုးရေးတည်ဆောက်ရေးလုပ် နိုင်ပါမည်။ ထိုသို့ တိုင်းပြည်တည်ဆောက်ရေး အောင်မြင်လာလျှင် လောကလုံးဆိုင်ရာ Universal Truth  တရားနှင့် နီးစပ်လာပေမည်။ ထိုသို့ပင် ပညာရှင်တို့ရေးသားချက် များပေါ်ထွက်လာနေကြောင်း ရေးသားလိုက်ရပါသည်။