ကြံ့ခိုင်ရေးပါတီ ဥက္ကဋ္ဌ၊ သမ္မတဟောင်း ဦးသိန်းစိန်လက်ထက်က စီးပွားရေးနှင့် ကူးသန်းရောင်းဝယ်ရေး ပြည်ထောင်စု ၀န်ကြီးမှာ ဦးဝင်းမြင့်ပါပဲ။ ဒီသတင်းကြားတော့ ကျုပ် မနှစ်မြို့ဘူးဗျ။
``ဘွဲ့မရ ၀န်ကြီး ဦးဝင်းမြင့်´´
--------------
တည့်တည့်ပြောရလျှင် ဦးဝင်းမြင့် ၀န်ကြီးခန့်သည်ကို လုံးဝ လက်မခံနိုင်ပါ။ ဘာ့ကြောင့်လဲဆိုတော့ ဦးဝင်းမြင့်ဟာ စီးပွားရေး လုပ်ငန်းရှင်ဖြစ်ပေမဲ့ ဘွဲ့မရခဲ့ပါ။
ဒီတော့ ပြောစရာတော့ ရှိတာပေါ့။ ``ဘွဲ့မရတော့ ဘာဖြစ်လဲ၊ ဘွဲ့ရပြီး အရည်အချင်း ရှိသူတွေ အများကြီးပါပဲ၊ ဒါကြောင့် ဘွဲ့ရရ၊ မရရ အရည်အချင်းရှိဖို့က အဓိကပါ´´လို့။
ဟုတ်ပါတယ်၊ ဘယ်အလုပ်မဆို အရည်အချင်းရှိဖို့က အဓိကပါ၊ ဒါပေမဲ့ များသောအားဖြင့် ဘွဲ့မရသူထက် ဘွဲ့ရသူက အရည်အချင်း ရှိပါတယ်။ ဒါကတော့ ငြင်းလို့ မရဘူးလေ။
``ဗိုလ်ချုပ်အောင်ဆန်းလဲ ဘွဲ့မရပါဘူးတဲ့´´
----------------
ဘွဲ့မရဘဲ ဆေးဆရာ နှင့် အမ်ဘီဘီအက်စ် ဘွဲ့ရ ဆရာဝန်နှင့် ဘယ်ယှဉ်လို့ ရမလဲ။ ဒါကြောင့် ဘွဲ့မရတဲ့ ဆေးဆရာကို ``ဒေါက်တာရမ်းကု´´လို့ ခေါ်ကြတာပေါ့ဗျာ။
ကျုပ်ရဲ့ မိတ်ဆွေတစ်ယောက်က ``ဗိုလ်ချုပ်အောင်ဆန်းလဲ ဘွဲ့မရခဲ့ပါဘူး၊ ဒါပေမဲ့ တိုင်းပြည်ခေါင်းဆောင်ကြီး ဖြစ်ခဲ့ပါတယ်´´လို့ ပြောဖူးတယ်ဗျ။ ကျုပ်ကလဲ ``ဗိုလ်ချုပ်အောင်ဆန်းဟာ ဘွဲ့သာရမယ်ဆိုရင် နိုင်ငံခေါင်းဆောင် မကဘူး၊ ကမ္ဘာ့ခေါင်းဆောင် ဖြစ်နိုင်ပါတယ်´´လို့ ပြန်ပြောလိုက်ပါတယ်။
``ခေတ်စနစ်ကို ကြည့်တတ်ရမယ်´´
--------------------
အကြောင်းအရာတစ်ခုကို စဉ်းစားသည့်အခါ ခေတ်စနစ်ကိုလည်း ကြည့်ရပေသည်။ မင်းတုန်းမင်းခေတ်ကဆိုလျှင် ပိဋကတ် စာပေ တတ်လျှင် ၀န်ကြီး ဖြစ်နိုင်ပါတယ်။ ဘာဘွဲ့မှ ရစရာ မလိုပါ။ ထိုခေတ်က တက္ကသိုလ်ဆိုသည်မှာ ဘုန်းကြီးကျောင်းပါပဲ။
ဒီကနေ့ခတ်ဟာ မင်းတုန်းမင်းခေတ် မဆိုထားနဲ့၊ ဗိုလ်ချုပ်အောင်ဆန်းတို့ခေတ်နှင့်ပင် မတူတော့ပါ။ ဘွဲ့ရပညာတတ်များ ပေါများသော ၂၁-ရာစုခေတ်ကြီးပါပဲ။ ဒါကြောင့် ယနေ့ခေတ်တွင် ဘွဲ့မရလျှင် ``၀န်ကြီးရာထူး´´ မဆိုထားနဲ့၊ ``ရုံးစာရေးရာထူး´´ကိုပင် မရနိုင်တော့ပါ။
``ဦးသိန်းစိန်မှားတယ်´´
----------------
ဒီခေတ်လောက် ဘွဲ့ရပညာတတ်တွေ ပေါများပါလျက် ဘွဲ့မရတဲ့သူကို ၀န်ကြီးခန့်သည်မှာ လုံးဝ မဖြစ်သင့်ပါ။ ဒါကြောင့် ကျုပ်က ဦးသိန်းစိန်အစိုးရကို ဝေဘန်ခဲ့တယ်။ ``ဘွဲ့မရတဲ့ဦးဝင်းမြင့်ကို ပြည်ထောင်စုဝန်ကြီးခန့်တာ ဦးသိန်းစိန် မှားတယ်´´ဆိုပြီး။
အဲဒီလို ဝေဘန်တော့ ခွပ်ဒေါင်း အုပ်စုက ကျုပ်ကို ချီးကျူးတယ်ဗျ။ ``ဓမ္မဓိဋ္ဌာန်ကျကျ ကြည့်တတ်သူ၊ ဒီမိုကရေစီသဘောတရားကို လက်ခံသူ´´တဲ့။
အမှန်တရားအထက်မှာ ဘယ်သူမှ မရှိဘူး။ ကျုပ်ကတော့ ဦးသိန်းစိန်မှားလည်း ထောက်ပြမှာပဲ။ ဒေါ်အောင်ဆန်းစုကြည်မှား လဲ ထောက်ပြမှာပဲ။ အပြုသဘောနဲ့ ထောက်ပြတယ်ဆိုရင် လက်ခံရမယ်လေ။ ဒါမှ ``ဒီမိုကရေစီစနစ်´´ ပီသမှာပါ။
``ဘွဲ့မရ ၀န်ကြီးချုပ် (သို့ မဟုတ်) ဦးဖြိုးမင်းသိန်း´´
---------------------
လက်ရှိအုပ်ချုပ်နေသော အစိုးရဟာ ဒေါ်အောင်ဆန်းစုကြည် ခေါင်းဆောင်သော ဒီမိုကရေစီအစိုးရ ဖြစ်တယ်။ အမျိုးသားဒီမိုကရေစီအဖွဲ့ချုပ် (ဒီချုပ်) ပါတီသည် ဦးသိန်းစိန်ပါတီကို သောင်ပြိုကမ်းပြို နိုင်ပြီး အစိုးရဖွဲ့ခွင့်ရသော ပါတီကြီးပါပဲ။ ပြည်သူတွေ အားကိုးကြ၊ ပြည်သူတွေ မျှော်လင့်ကြတယ်။
အဲဒီနောက် အစိုးရဖွဲ့တဲ့အခါ ဘွဲ့မရ ဦးဖြိုးမင်းသိန်းကို ရန်ကုန်တိုင်းဒေသကြီး ``၀န်ကြီးချုပ်´´အဖြစ် ဒေါ်အောင်ဆန်းစုကြည်က ခန့်အပ် လိုက်ပါတော့တယ်။
``ဒေါ်အောင်ဆန်းစုကြည်မှားတယ်´´
--------------------
ရန်ကုန်မြို့ဆိုတာ မြန်မာနိုင်ငံရဲ့ စီးပွားရေးမြို့တော် မဟုတ်လား။ ဒီလို မြို့တော်ကြီးကို အုပ်ချုပ်မည့် သူက ဘွဲ့ မရဘူးဆိုတာ လုံးဝ မဖြစ်သင့်ပါ။ ရန်ကုန်မြို့တော်ကြီး၌ ဘွဲ့ရပညာတတ်များ ထုတ်သတ်လို့ မကုန်နိုင်ပါ။
ဒါကြောင့် ဒေါ်အောင်ဆန်းစုကြည်ကို ဝေဘန်လိုက်တယ်။ ``ဦးဖြိုးမင်းသိန်း ၀န်ကြီးချုပ် ခန့်တာတော့ လုံးဝ မဖြစ်သင့်ဘူး၊ သူက ဘွဲ့မရဘူးလေ၊ ဒီလိုခေတ်မှာ ဘွဲ့မရ ၀န်ကြီးချုပ် မရှိသင့်တော့ပါဘူး၊ ဒါကြောင့် ဒေါ်အောင်ဆန်းစုကြည် မှားတယ်´´လို့။
အဲသလို ထောက်ပြတော့ ခွပ်ဒေါင်းအုပ်စုက ကျုပ်ကို ``တစောက်ကန်းတဲ့၊ ဒေါ်စုက အကုန်တတ် အကုန်သိတဲ့၊ ဦးဖြိုးမင်းသိန်း ခန့်မှ ဖြစ်မှာမို့ ခန့်ရတာ၊ မင်းက တစ်ဖက်မြင်ပါတဲ့၊ မင်းဥာဏ် တစ်ထွာတစ်မိုက်နဲ့ မဝေဘန်နဲ့´´တဲ့။
``သူခိုးက လူလို့ ဟစ်´´
-------------------
ဦးသိန်းစိန်လက်ထက်တုံးက ဘွဲ့မရသူကို ပြည်ထောင်စုဝန်ကြီးခန့်တာကို မှားတယ်လို့ ပြောတော့ လက်ခံနိုင်တယ်။ အခု ဒေါ်အောင်ဆန်း စုကြည်လက်ထက်မှာကျတော့ ဘွဲ့မရသူကို ၀န်ကြီးချုပ်ခန့်တာကို မှားတယ်လို့ ပြောတော့ လက်မခံနိုင်ဘူးဗျ။
အမှန်တရားက မျက်နှာမလိုက်ဘူးလေ။ ဒီတော့ အမှန်တရားဘက်ကို ကြည့်ရမယ်။ အမှန်တရားနဲ့ တိုင်းတာရမယ်။ အမှန်တရားနဲ့ တိုင်းတာတဲအခါ မျက်နှာမလိုက်ရဘူး။ မျက်နှာလိုက်ရင် အဂတိပဲ။ ``ငါမကြိုက်ရင် မှားတယ်၊ ငါကြိုက်ရင် မှန်တယ်´´ဆိုတာ ``ဗရမ်းဗတာ ဒီမိုကရေစီ´´ ပါပဲ။
ကျုပ်ကတော့ အမှန်တရားဘက်တော်သားလေ၊ ဒီတော့ ဦးသိန်းစိန်မှားရင်လဲ ထောက်ပြမယ်၊ ဒေါ်အောင်ဆန်းစုကြည် မှားရင်လဲ ထောက်ပြမယ်။ အဲဒါမှ ဒီမိုကရေစီစစ်စစ်ဗျ။
အခုတော့ဗျာ၊ ကျုပ်ကို ဒေါ်စုကို ဝေဘန်လို့ တစောက်ကန်းတဲ့။ တကယ်တော့ ကျုပ်က တစောက်ကန်း မဟုတ်ဘူး၊ သူတို့က တစောက်ကန်းတွေပါ၊ သူခိုးက လူလို့ ဟစ်နေသလိုပါပဲဗျာ။
``အားလုံး ဒီမိုကရေစီစစ်စစ်ကို ရရှိခံစားနိုင်ကြပါစေ´´
-------------------------
Credit အညာသား (ရွှေဘို)
(၂၁-၈- ၂၀၁၆)
